◎撰文‧簡素真  插畫‧潘勁瑞 

人講：「田莊悚，都市憨。」小時候，阿爸驚阮市內住久忘記田莊的一切，有一年暑假安排阮兄妹去外嬤兜住了兩禮拜。外公、外嬤帶我們去焢窯、去山頂挽龍眼；阿舅帶阮去集集騎腳踏車，吃二坪的枝仔冰……阮不但享受到田莊的滋味，閣聽外嬤講真多阿母的故事——

笑臉好人緣

阮阿母是南投的莊腳囡仔，雖然沒受高等教育，不過真有田莊純樸的鄉土味，不時都笑頭笑面，熱情閣家婆性，人緣真好，厝邊隔壁「呵咾甲觸舌」（嘖嘖稱讚），自細漢人就講：「誰人若娶的到，九斗嘛較贏一石」！
「你阿母自細漢就真乖巧，一個面不時都笑微微，尤其彼支嘴真甜！」外嬤說阿母看到老人家一定叫「阿婆、阿公」，較少年的就叫「阿姨、阿叔」，過路的人攏講這個查某囡仔真乖，「伊厝內的工作撿起來就做，不曾甲恁阿舅、阿姨計較。」

心好得人疼

外嬤說阿母的心肝真軟，逐擺學校若要捐錢救濟，伊攏甲普通時存的錢捐出去；厝裏飼的狗死去，伊毋甘甲袂吃袂睡。「巷尾較早有一個阿來婆，兒子媳婦攏出外做生意，恁阿母常常去陪伊、買點心乎伊吃。伊要嫁時阿來婆特別提一卡手指送她，閣跟伊講真多好話喔！」
「嫁給恁阿爸了後，伊很孝順長輩，逐項代誌觀前顧後，讓恁阿爸會用放心去拚事業。恁阿公常跟阮講：『這個媳婦比查某囝閣卡好』，呵咾阮會教子，阮感覺真安慰也真有面子；你們就要有樣看樣喔！」

●

阮阿母雖然不是什麼大人物，不過做人成功、四界受人歡迎，我一定要學阿母的好模樣：
面要笑——笑面迎福氣；
嘴要甜——講好話乎人心歡喜；
腰要軟——禮貌周到人合意；
腳手緊——做好事走第一；
心肝好——風水免討，人人攏呵咾；
家婆性——好貓才會管百家……
「人氣若好，做空課就輕可（做事就輕鬆）」，
這樣才會成為一個ＥＱ滿分、受歡迎的人！

【學阿母的好模樣】線上有聲書
閩南語錄音／靜淇